Estou cagada co medo

Gústame que me chamen de súpeto para ir a algures a tomar algo. E claro, cada un anda con quen lle da a gana, pero gustaríame que tamén se tivesen lembrado de min.
Pero quen sabe, se cadra non caín ben e a xente disimula. Por iso me gustan as persoas que van de fronte, xa sabes o que podes esperar delas.
Vai ser iso, non caín ben. Supoño que é normal, pero dame rabia sentir ledicia cando vexo a xente para a que sei que non son mais importante que un paquete de pipas.
Ollo, non quero que soe pretencioso, supoño que os dous anos que pasei metida na casa sen ter con quen sair fixeron que valorase ás persoas e as elevase a un sitio onde non o merecen. E non o digo con aire victimista, pero é así.
E claro, non chamaron.
Bah, paranoias.

Non entendo moito de cine, pero hai dous días vin Los soñadores, de Bertolucci, e pareceume unha película preciosa.
Baixeina por curiosidade, parecíame rara unha película así con tantísimo erotismo. Pero é que a historia non se pode contar doutro xeito.
Lin algunha crítica e parece ser que a peli está regulín. A min gustoume moitísimo, está chea de cousas, de matices, obrígate a ler entre liñas.

Comecei ben o dia!
En Radio Fene agora poñen a Lamatumbá e escoiteinos nada mas erguerme.
Agora só lles faltan Guezos (se os teñen non os escoitei ainda) e Noitébregos.

Ando mosqueada porque en http://www.syntorama.com/ xa non teñen no listado a Gwendal. Foi por onde me enteirei do concerto de Lugo, e ainda que dudo no de ir a outro, gustaríame te-la posibilidade de decidilo.
E Gwendal non é que apareza moito en internet que digamos

Soños que nunca existirán:
1.- Ruta Quetzal

Cousas que me gustan:
1.- Saír da ducha e seca-la cara.

Esta noite doe a moa, diso que naide se ria…

O Martes foi un dia bo.
Pola tarde, mentres escoitaba La Ventana, dixeron que lle ian dar un pedazo de mobil a quen adiviñase unha cancion.
Chamei e sain na radio e todo, jeje. Falei co calviño ese de Internet a mano e con Mamen Mendizábal.
E gañei o mobil. É este
Chegoume hoxe pola mañá, e ven libre, co aparello mans libres e unha tarxeta de memoria de 64mb.
O meu pai dixo que mercase loteria.

“Rajoy dice que la sucesión de Fraga saldrá tan bien como la de Aznar”
XDDDDDDD

Hoxe foi un gran día: Conseguín facer algo elaborado e comestible!
Cociño fatal, non me gusta e non se me da ben. Só sei:
- Cocer espaguetis, macarróns e similares
- Fritir zorza, bistecs e cousas parecidas
- Facer ensalada de pasta (iso ven derivado de que sei coce-la pasta. Merco salsa rosa e tan rica)
- Facer tortillas de patacas semi-ricas
E hoxe fixen espaguetis ó pesto!
Eu soa!
Ó pesto! E estaban bós! A miña nai dixo “diviños”.
Incidente: A pementa meteuseme polo nariz e ainda estou esbirrando.
Grande día, grande.
Por favor, non miredes a receita da salsa pesto. Sei que e sinxela e que ata un can con mandil a faría ben, pero de ilusión tamén se vive ^_^